العرسان

هاد الموضوع معصبني و ضارب على عصبي أول إشي بنرفز من الأسلوب تبع النسوان اللي بتيجي بدها تفحص قبل ما ييجي ابنها المصون، صارت امي تحكيلهم من اولها ييجي الشاب معهم! طبعا في ناس ما بترد ما أسوء هاد الأسلوب! يوجولي لما تيجي الأم لحالها ما بيرجعو! شكلي ما بعجب النسوان بكونو ارتاحو و ريحو صراحة! ما بتدايق بشلن.. لما ييجي الشاب بالعادة بيرجعو بيحكو!! أنا سو فار يعني ما حدا من الي إجوني بهاي الطريقة عجبني.. فلما يحكو و ماما تحكيلهم ما في نصيب ذي جيت أوفينديد !! إنه كيف ترفضي إبننا الوردة! طيب يعني بالله لما ما يرجع هو لبنت مش بكون عم يرفض بنتنا الوردة!! كل الموضوع هاد بفقع المرارة و بزهق و بطلغ الروح أففففففتتتت بحكي لأمي خلص يا ماما ما بدي حدا ييجي، بتحاول الحزينة لما يحكو معها تحكيلهم منال بدها تخلص دراستها هلأ مو مفكرة تتجوز! بيحرجوها و بحكولها طيب عالقليل بنيجي بنكسب معرفتكم، طبعا أمي ؛للي ما بعرفها فهي كتير هادية و رايقة و ما بتعرف تكسف نملة؛ فبتحكيلهم أهلا و سهلا
صرلنا 3-4 سنين على هالحال إشي بفرفط الروح
خلصت فضفضة، أشكر لكم حسن استماعكم