الغنى الفاحش و الفقر المطقع
منظر بشوفه دائما بيخليني أتعجب من الأوضاع اللي الناس فيها هالأيام
بتكون واقف على إشارات عباد الرحمن بتصف جنبك سيارة إس كلاس موديل السنة حقها لا يقل عن 100000 دينار
و فيها شاب إذا مش من عمري فأصغر مني! و جاعص الجعصة ما غيرها و يا أرض اشتدي ما حدا قدي، (للعلم اي آم نوت جينيراليزينغ لأنه إن خليت بليت) . المهم، بيجي الشحاد المعتر، طبعا الشحدة صنعة و مش أي حدة بعرف يحزنك على حاله لأنه لازم يكون يتيم و أبوه متزوج 3 و إمه عندها مرض مزمن و إخوانه السبعة عندهم بهاق
ما بتلاقي غير هالشحاد زت حاله على أزاز السيارة "يا عمي الله يجبر بخاطرك، الله يجوزك اللي في بالك، الله يبعتلك همر (عأساس إنه مفكرها أفخم ) " أنا شخصيا نفسي أعرف من وين بطلع معه كل هالدعاوي! زي اللي حافظ الدرس و بسمع
ما علينا! طبعا ابن الطبقة المخملية ما بعرف إذا ما بده يعطيه مصاري إنه يسكت! لأ لازم يفتح الشباك و يغرد! بشرشح أبوه و سته و عمات ابن خالة إمه. و لازم نظرة القرف تكون تعلو سنحته البهية
طبعا الشحاد بيقلب الكاسيت عالوجه التاني و بتصير بدل ما ربنا يبعتلك همر؛ربنا يهورك بأقرب وادي
ربنا بيرحم و بتفتح الإشارة، الإس كلاس بيشعط و بطلع عني لأنه معصب ما حدش يحكي معه، و هداك بشوفه بالمراية بشوبر بإيديه و حالته حالة. مع وجود ابتسامة خفية على وجه التنين
السؤال بيطرح نفسه في هذه الحالة، هل سبب غطرسة صاحب الإس كلاس هو غناه (أو بالأحرى غنى أبوه) أم انه إنسان مفكر حاله أحسن لمجرد إنه ربنا أعطاه و اتطورت الأمور عنده و استفحلت لمرض نفسي عضال يصعب الشفاء منه
و هل سبب إهدار الكرامة و الإستجداء و مد الإيد للناس بذل و الكذب و سوء الأخلاق عند الشحاد سببه الفقر الشديد اللي من لما فتح عينيه عايش فيه؟
مع إني أشك إنه هاي هي الأسباب! بس مش قادرة أوصل للدافع الحقيقي للغطرسة ، و مش قادرة أتخيل الوجع النفسي للذل
الله لا يبتلينا لا بفقر مذل و لا غنى متعالي
7 comments:
الله يبعتلك همر (عأساس إنه مفكرها أفخم )
Hahahahahahaha :Wa7ad istash-had min il de7ek:
شر البلبة ما يضحك
Ameen ya rabb!
Loved what you wrote, so true!!
Both of them are wrong ...
nice Chocolate Blog btw ... it looks like a galaxy bar :)
Kouki: Thank you :give:
Isam: yes, both of them are to be blamed.
hehe yeah m3k 7a2 it looks like galaxy :D
مش كل راكب مرسيدس غني و لا كل شحاد طفران
مرة كنت واقف بستنى ناس بالصويفية، اجاني شحاد. قعدت اسولف معه حكالي قصة حياتو و قال انه بيرضاش بأقل من مية دينار باليوم. و موسمه المفضل رمضان.. و بالليل بالصدفة كنت مع 3 محاجيب بنلعب شدة شفته داخل مع صحابه و سلم علي
اي بلا الشغل بلا هم..
و يا ريت كل الشعب يوعى زي ابو المرسيدس ليقطعوا رزقة الشحادين و يوقفوا هالظاهرة المقرفة
wallahi ya manal fe sarsareye o fe nas makle hawa, o kaman kteer nas m3hom masari bekooon kteer mbsoot ino haik wad3o (from my experience hadool ille became rich relatively new) amma those ille rich min aselhom usually u dont see them doing that to people
Allah yer7amna
Hazem: I have no idea why everyone who read my post thought that im defending the begger ! well I'm not! but I also can't approove the other guy's behavior! I hate how beggers humiliate themselves;whether they were in need or not! but I feel really frystrated of arrogant ppl as well!
Waleed: This is exactly what i'm talking about! the arrogance of rich ppl who think that they are better than everyone else!
Post a Comment